Azandan onca: 27 Meqala plus: 98 Quran mocuzalari: 20
Daxil olma qaydasi
Главная » 2010 » Sentyabr » 27 » Islam olkalari Ermanistanin Azərbaycana təcavüzünü pislədi
16:43
Islam olkalari Ermanistanin Azərbaycana təcavüzünü pislədi
İKT üzv dövlətlərinin Xarici İşlər nazirlərinin sentyabrın 24-də Nyu-Yorkda baş katibi Ekmelledin İhsanoğlunun sədrliyi ilə keçirilən İllik Əlaqələndirici görüşündə müsəlman ölkələri üçün xüsusilə mühüm olan bir sıra problemlər müzakirə olunub. ANS PRESS-in "Regnum” informasiya agentliyinə istinadən verdiyi xəbərə görə, təşkilat Ermənistan-Azərbaycan, Dağlıq Qarabağ münaqişəsi mövzusunda çıxış edib. Bu mövzu üzrə yekun kommünikedə belə deyilir:
"İKT müşavirəsinin iştirakçıları Ermənistanın Azərbaycana qarşı təcavüzünü pisləyir və münaqişənin Azərbaycanın ərazi bütövlüyü və beynəlxalq səviyyədə tanınan sərhədləri çərçivəsində həllinə çağırır. Müşavirədə həmçinin məcburi demoqrafik dəyişikliklər, mülkiyyət hüququna müdaxilə, Dağlıq Qarabağ regionu və Azərbaycanın digər işğal olunmuş ərazilərində mədəni irs və müqəddəs yerlərin kifayət qədər müdafiə olunmamasından narahatçılığını ifadə edir. Və bununla əlaqədar olaraq Azərbaycanın, o cümlədən BMT Baş Assambleyası çərçivəsində Azərbaycanın işğal olunmuş ərazilərində insan haqları, beynəlxalq və beynəlxalq humanitar hüquq normalarına riayət olunmasına yönəldilmiş səylərinə öz prinsipial dəstəyini təsdiq edir".
Xatırladaq ki, İslam Konfransı Təşkilatı 1969-cu ildə yaradılıb və Fələstin Azadlıq Təşkilatı daxil olmaqla 57 ölkəni özündə birləşdirir. Baş qərargahı Ciddədə yerləşən İKT BMT yanında müşahidə statusuna malikdir və iştirakçı ölkələrinin sayına görə dünyada ikinci yeri tutur. ans.az