Turkiyanin Caykur Rizespor futbol klubunun Kolumbiyali oyuncusu Victoria Rave islam dinini qabul edib. Victoria Rave və həyat yoldaşı Paola Valencia ilə birlikdə İslam dinini qəbul edəndən sonra daha təmkinli və sevincli olduqlarını bildiriblər. Victoria Türkiyəyə 7 il əvvəl «Qalatasaray» futbol klubu ilə müqavilə əsasında gəldiyini bildirərək «İlk gəldiyim gündən etibarən İslam haqqında bəzi maraqlı şeylər eşitməyə başladım. Diqqətimi cəlb etdi. Yoldaşım Paola İslam dini ilə daha çox maraqlanmağa başladı. Öyrəndiklərini mənə də danışmağa başladı. İkimiz birlikdə bu dini araşdırmağa qərar verdik. Nəticədə müsəlmançılığın başqa dinlərdən daha ağıla uyğun və daha düzgün bir din olduğunu fikirləşdiyimiz üçün İslam dinini seçdik». Müsəlman olduqlarını Kolumbiyada yaşayan ailələrinə də bildirdiklərini söyləyən Victoria bunları dedi: «Elə də böyük problem olmadı, amma yenə də ailə daxilindəki bəzi prinsipləri dəyişdirmək elə də asan deyil. Bütün bunlara baxmayaraq, demək olar ki, böyük problem olmadı. Qurani-Kərimdə yazılanları İncildə qeyd edilənlərin davamı kimi fikirləşirik. Həyat tərzimiz elə də çox dəyişmədi, ancaq ibadət tərzimiz dəyişdi. İslamı qəbul edəndən sonra evdə daha sevincliyik. Özümüzə güvənimiz artıb».
