Azandan onca: 27 Meqala plus: 98 Quran mocuzalari: 20
Daxil olma qaydasi
Главная » 2010 » Avqust » 30 » ABŞ-NIN Corciya ştatinin Makon şaharinin meri Cek Ellis
11:56
ABŞ-NIN Corciya ştatinin Makon şaharinin meri Cek Ellis
ABŞ-nın Corciya ştatında
yerləşən Makon şəhərinin meri, bütün həyatı boyu aktiv xristian olmuş
Cek Ellis, hidayət yolunu tutaraq, İslam dinini qəbul etdiyini
bildirmişdir. "First Coast News" saytının verdiyi xəbərə görə,
şəhər meri həm də öz adını dəyişməyə hazırlaşır. Belə ki, bundan sonra
onu Həkim Mənsur Ellis kimi çağıracaqlar. «Bu, mənim şəxsi qərarımdır.
Və hər bir kəs necə ibadət edəcəyi barədə özü qərar verir. Bu xüsusda,
əgər mən şəhər meriyəmsə, onda insanların mənim nəyə iman gətirməyim
barədə məlumatlarının olmasına haqları vardır. Və onlar bilməlidirlər
ki, mən inanclı adamam və indi mən İslam dininə mənsubam» - deyə, Ellis
bildirmişdir. Ellisin sözlərinə görə, o dekabr ayında Afrikada
səhayət edən zaman, İslam dinini qəbul etməyə qərar vermişdir. Eliisin
fikrincə, o, öz əcdadlarının dininə qayıtmışdır. «Mən, belə demək
mümkünsə, öz kökümə qayıtmışam. Mən İslam dinini Seneqalda olarkən qəbul
etmişəm. Seneqalın əhalisi isə, onları Amerikaya gətirib qul edən vaxta
qədər müsəlman olmuşlar» - deyə, şəhər meri qeyd etmişdir.
Afrikaya səyahətdən ABŞ-a geri dönən Ellis, burada müntəzəm surətdə
məscidə getməyə başlamışdır. O, İslamın göstərişlərini yerinə yetirməyə
çalışır və namazlarını da vaxtlı-vaxtında qılır. İslama gəlməmişdən
əvvəl isə Ellis müntəzəm şəkildə yerli baptist kilsəsinə gedirdi.
Afrikadan evinə dönən Ellis, ilk olaraq İslam dinini qəbul etməsi
qərarını öz ailə üzvlərinə bildirmişdi. İndi isə o bu xəbəri öz «böyük
ailəsinə» - Makon şəhərinin sakinlərinə çatdırmaq qərarına gəlmişdir.